Novidades en Instagram: que son e para que serven as notas?

Instagram actualizou a súa aplicación cunha nova funcionalidade. Son as notas, e poden revolucionar a forma en que se comunican os internautas desta rede social.

Que son as notas?

Son mensaxes curtas públicas que poden enviarse a moitos usuarios á vez. O formato é similar ao chío de Twitter e preséntanse en formato de Historias.

Son mensaxes de texto de sesenta caracteres pensados para que os usuarios expresen o estado de ánimo ou unha opinión. As notas só se poden compartirse cos seguidores que seguen a quen as pon.

As notas están situadas na parte superior da bandexa de entrada das mensaxes directas. De feito, son precisamente unha alternativa ás mensaxes privadas. Teñen unha duración de vinte e catro horas.

Como se utilizan?

O seu funcionamento é o mesmo que os dunha historia. O usuario pode compartir o texto que desexe e engadir emoticonos.

Aínda que Instagram é a rede social de excelencia das fotografías e os vídeos, nesta ocasión só se pode compartir texto e emoticonos. Unha vez publicada, o resto de usuarios poden interactuar respondendo a mensaxe.