A chegada dunha fronte fría á Galiza está a dificultar o acceso por algunhas estradas das zonas de montaña do oriente do país.
A Deputación de Lugo informou este sábado que e que a cota de neve está situada durante a xornada sobre os 600-700 metros.
Ademais, en concellos como Cervantes e Pedrafita (comarca dos Ancares) acumuláronse entre 10 e 15 centímetros.
Outras zonas, como O Courel e Navia, tamén contan con neve nas cotas máis altas.
Dificultades en Manzaneda
Máis ao sur, en Manzaneda, informaron que durante a xornada desta sexta feira tiveron problemas aínda que na actualidade pódese circular con normalidade, salvo a subida á estación de Montaña.
Ademais, transcendeu que no serán desta sexta feira, unha familia tivo que ser auxiliada na OU-0704 ao quedar bloqueada a dous quilómetros do hotel da estación de montaña de Cabeza de Manzaneda.