Morre en Carballo un neno de dous anos tras atragoarse cunha lambetada
Un neno de dous anos faleceu na noite do sábado en Carballo tras atragoarse cunha lambetada no seu domicilio, sen que os equipos sanitarios desprazados ao lugar puidesen salvarlle a vida malia os intentos de reanimación.
Un neno de dous anos faleceu esta fin de semana en Carballo (Bergantiños) tras atragoarse cunha lambetada. Desde o servizo de emerxencias 112 Galiza confirmaron que sobre as 20.25 horas do sábado, día 28, recibiuse o aviso a través de Urxencias Sanitarias 061.
Ao ter constancia dos feitos, comunicouse tamén á Garda Civil e á Policía Local, que se desprazaron ao lugar. Desde os servizos sanitarios desprazados ao domicilio trataron de reanimalo.
Con todo, non foi posíbel xa salvarlle a vida malia lograr retirar a lambetada que inxerira, confirmándose alí o falecemento por atragoamento.
