Lóstregos e chuvia. Toda a Galiza en alerta por fortes tormentas este sábado
08 de setembro de 2023 (19:30 h.)
A totalidade da Galiza estará en alerta media por tormentas na xornada do sábado desde as 12 horas até a medianoite, cando o aviso quedará desactivado.
Todo o territorio galego estará durante gran parte deste sábado en aviso amarelo ante a previsión de fortes tormentas que afectarán a práctica totalidade das comarcas do país.
Así figura no boletín de avisos de Meteogaliza, ente dependente da Consellaría de Medio Ambiente e que tamén mantén un aviso durante a madrugada do sábado para o oeste do país por precipitacións.
Deste modo, a totalidade da Galiza estará en alerta media por tormentas desde as 12 horas até a medianoite, cando o aviso quedará desactivado.
Xornada do domingo
Para a xornada do domingo espérase que as tormentas caian concentradas no interior da Galiza, onde haberá de novo un aviso amarelo entre as 15 e as 21 horas.