Restabelecido o tráfico ferroviario entre Compostela e Ordes após cortarse pola aparición dun corpo nas vías
A incidencia produciuse no barrio de San Lázaro da capital galega.
Adif informou do restabelecemento da circulación ferroviaria entre Santiago e Ordes despois de que esta se vira interrompida pola aparición dun cadáver nas vías, unha incidencia que afectou os trens que fan o percorrido entre a capital galega e A Coruña.
A incidencia produciuse arredor das 10.10 horas, dando conta ao 112-Galiza o propio xestor das infraestruturas ferroviarias.
⚠️Está interrumpida la circulación entre Santiago de Compostela y Ordes por el accidente de una persona. Afecta a los trenes que realizan el recorrido Santiago de Compostela-A Coruña.
— INFOAdif (@InfoAdif) October 20, 2025
Unha vez se cubriron todos os trámites legais que permitían o levantamento do cadáver e a xuíza de garda o autorizou, retomouse a circulación de trens nesta parte do Eixo Atlántico.
Renfe habilitou transporte alternativo por estrada entre as dúas estacións de Larga e Media Distancia. As viaxeiras e os viaxeiros foron trasladados en diferentes autobuses.
🔴 Interrumpida la circulación entre Santiago de Compostela y A Coruña por arrollamiento de persona a la salida de Santiago de Compostela, lado Ordes.
— InfoRenfe (@Inforenfe) October 20, 2025
ℹ️ Se establece plan alternativo de transporte por carretera entre las dos estaciones para los trenes de Media y Larga Distancia…
