Restabelecida a circulación ferroviaria no tramo entre Ponferrada e Monforte tras ser interrompida ao arroiar un tren un home na Rúa
Segundo a información do 112 Galiza, o suceso produciuse sobre as 7.30 horas desta sexta feira.
A circulación ferroviaria quedou restabelecida no tramo ente Ponferrada e Monforte (Terra de Lemos) tras estar interrompida debido a que un tren arroiou un home, nun punto non autorizado de paso, na Rúa (Valdeorras).
Segundo a información do 112 Galiza, o suceso produciuse sobre as 7.30 horas desta sexta feira e foi o persoal do Adif o que deu a voz de alarma indicando que o home podería estar falecido.
Até o punto desprazáronse os profesionais do Servizo de Urxencias Sanitarias da Galiza-061, os Bombeiros de Valdeorras, axentes da Garda Civil e efectivos de Protección Civil.
