Un home apuñala unha muller, ferida de gravidade, en plena rúa en Marín
Non se coñecían previamente, segundo as primeiras investigacións.
Unha muller de 47 anos foi apuñalada na mañá desta segunda feira nunha rúa de Marín, a plena luz del día, por un home que, segundo as primeiras investigacións, non tiña ningún tipo de vínculo con ela, se ben aínda está a estudarse o suceso.
A vítima foi trasladada ao Hospital de Montecelo (Pontevedra) en estado "moi grave", mentres o agresor, duns 50 anos, foi detido e posto a disposición da Policía Nacional, segundo vén de confirmar a alcaldesa do municipio, María Ramallo.
O home afirmou que non gardaba relación coa vítima, que camiñaba pola rúa cando foi agredida cunha arma branca, e que fora "o demo" o que lle "ordenara" que "matase a alguén". A agresión produciuse na rúa Jaime Janer.
