Falece un traballador na festa do Tinto de Barrantes, en Ribadumia
O home, de 51 anos, traballaba como cociñeiro dunha empresa encargada do acto do Xantar de Confraternidade.
Un traballador faleceu este sábado na festa do Tinto de Barrantes, que se celebra no municipio de Ribadumia (O Salnés), tras sentirse indisposto. Os feitos sucederon sobre as 15 horas e o home, de 51 anos, traballaba como cociñeiro dunha empresa encargada do acto do Xantar de Confraternidade. Até o punto desprazáronse os profesionais de Urxencias Sanitarias da Galiza-061, que nada puideron facer por salvar a súa vida.
