Unha persoa perdeu a vida tras ser alcanzada por un tren no paso inferior dunha vía de alta velocidade, á altura do lugar da Bouza, na parroquia lalinense de Botos.
Segundo confirmou o 112 Galiza, os feitos sucederon na tarde do domingo. Nese momento recibiron a alerta a través do propio Adif, que asegurou que o suceso se produciu nun punto de paso non autorizado.
Con motivo deste suceso, permaneceron cortadas ambas as vías entre A Grandeira e O Irixo víronse afectados os trens Vigo-Madrid Chamartín.
Ademais, a interrupción da circulación afectou tamén os trens que circulaban entre Ourense e A Coruña e as súas variantes.
Renfe tamén informou que traballaron para liquidar a incidencia o máis rapidamente posíbel.
Servizos sanitarios
Até o lugar desprazáronse os servizos sanitarios, que só puideron confirmar o falecemento da persoa alcanzada polo convoi.
Tamén se requiriu a actuación do GES de Lalín, do Servizo Municipal de Protección Civil e da Garda Civil.