Mustafá S.L., nado hai 47 anos no Senegal, faleceu en Vigo o pasado 7 de xaneiro, en plena onda de frío provocada pola borrasca Filomena. Non tiña fogar e adoitaba durmir na zona do Berbés. Segundo o Concello de Vigo sinala nun comunicado, o falecido levaba desde novembro de 2017 recibindo asistencia do servizo municipal de Benestar Social e incide en que “era usuario da Unidade de Rúa e os profesionais trataron en moitas ocasións de motivalo para que fixese uso das prestacións municipais”.
Desde o colectivo vigués Os Ninguéns de loita contra a pobreza e a exclusión social manifestaron as súas condolencias “polo pasamento o 7 de xaneiro do compañeiro Mustafa S. L, un varón senegalés de 47 anos en situación de senfogarismo”, desexando “que a terra lle sexa leve e atope o descanso que non puido ter en vida”.
Aliás, este sábado, 9 de xaneiro, ao transcender o falecemento na prensa, o colectivo denunciou en Twitter “o tratamento mediático xélido da terríbel morte prematura en plena onda de frío do compañeiro Mustafá. Está sendo pura culpabilización e estigma”, denuncian.
Queremos manifestar as nosas condolencias polo pasamento o 7 de xaneiro do compañeiro Mustafa S. L, un varón senegalés de 47 anos en situación de senfogarismo.
— Os Ninguéns (@OsNinguens) January 8, 2021
Que a terra lle sexa leve e atope o descanso que non puido ter en vida. ☹️. 😭
D. E. P 💜#Vigo "cidade fermosa".