Extinguido o incendio forestal da Gudiña tras arrasar 25 hectáreas
20 de febreiro de 2023 (18:41 h.)
A última medición facilitada por Medio Rural cifra en 25 as hectáreas calcinadas, todas elas de monte raso.
A Consellaría do Medio Rural deu por extinguido o incendio forestal iniciado este domingo na localidade da Gudiña que calcinou un total de 25 hectáreas, segundo as últimas medicións.
O fogo, que se iniciou ás 18.52 horas deste domingo na parroquia da Barxa, quedou estabilizado ás 11.35 horas desta segunda feira, controlado ás 12.52 e deuse por extinguido pola tarde.
Polo momento, mobilizáronse para o seu control catro axentes, oito brigadas, catro motobombas e un helicóptero.
A última medición facilitada por Medio Rural cifra en 25 as hectáreas calcinadas, todas elas de monte raso.