Detido de novo o dono da pirotecnia de Tui por tenza de explosivos

F.G.L, o dono da pirotecnia La Gallega foi detido de novo esta segunda feira por tenencia de explosivos e delito de riscos. A detención produciuse após que a fin de semana interviñésense diversas cantidades de material para explosivos en rexistros de almacéns clandestinos.

 

A Garda Civil localizou na tarde do domingo máis material explosivo almacenado de maneira clandestina noutro zulo, o terceiro, situado en Baldráns. Ocultaba 1.150 quilos de materias primas para a elaboración de explosivos e outros 11 quilos de pólvora.

 

O sábado, a Garda Civil desarticulou un punto de almacenamento no que foron requisados un total de 500 quilogramos de pólvora. Ademais, axentes do Instituto Armado tamén retiraron outros 100 quilogramos de material preparado.