A denuncia contra a reapertura da mina de Touro chega a Bos Aires
21 de maio de 2018 (18:41 h.)
A Biblioteca Galega da capital arxentina proxectará o documental ‘A ameaza do cobre’, nun acto que contará coa presenza da activista Guadalupe Rodríguez.
A loita da veciñanza de Touro e O Pino contra a reapertura da mina de cobre e de movementos sociais e produtivos de toda galiza contra ese proxecto ten tamén eco alén das fronteiras do noso país. Así, o documental de Nós TV dirixido por XoséBocixa ‘A ameaza do Cobre’vai chegar a Bos Aires.
A Biblioteca Galega de Bos Aires acollerá a proxección documental organizada pola Federación de Asociacións Galegas da República Arxentina e que terá lugar o vindeiro 26 de maio e contará coa presenza da activista Guadalupe Rodríguez.