A CRTVG ve o galego “unha desigualdade” nas probas de acceso á universidade
“Examínanse dunha materia máis, a de galego, e a maiores as probas son máis difíciles e os criterios de corrección, máis esixentes”. Este foi o enfoque co que a TVG informou do inicio das probas da ABAU, a anterior Selectividade.
A información publicada na web da CRTVG ás 8.40 horas incide na liña do defendido polo PP nas últimas semanas. O último en apostar nunha selectividade única para todo o Estado foi Alberto Núñez Feixoo. Tanto a CIG-Ensino, sindicato maioritario no sector, como as Ampas, manifestáronse en contra pola "uniformización" e "centralización" que suporía.
Unha das voces que se manifestou publicamente contra o enfoque da cobertura da información -que na noticia das 15.22 eliminara toda a referencia ao galego- foi a de Ana Pontón, portavoz nacional do BNG.
Outras persoas tamén denunciaron o enfoque da información da CRTVG