O operativo de rescate desprazado a Pedre, no concello de Cerdedo-Cotobade, para traballar na busca das vítimas do sinistro acontecido na noite de onte, atoparon na maña de hoxe o cadáver dunha muller que viaxaba no autobús de Monbus accidentado.
As unidades de bombeiros Pontevedra, Deza, Salnés e o GES da Estrada ocupadas nestas labores, retomaron á actividade ás 10 da mañá, ao verse obrigados onte a paralizar a busca.
O operativo de rescate conta desde hoxe coa colaboración do Grupo de Apoio Loxístico da Axencia Galega de Emerxencias cun posto de mando avanzado así como o Grupo de Intervención Psicolóxica en Catástrofes e Emerxencias (Gipce).
As autoridades ao mando deste traballo anuncian que continuaran a busca ao longo de toda a xornada, ficando aínda por recuperar dous desaparecidos. Neste momento, o número de mortos ascende a tres.
As dúas persoas rescatadas con vida atópanse neste momento hospitalizadas. Unha delas, o condutor do vehículo foi sometido ás probas de drogas e alcoholismo, dando negativo nas mesmas.
Catro desaparecidos
A cifra de desaparecidos é de catro persoas. Neste sentido, tense manifestado a subdelegada do Goberno do Estado en Pontevedra, Maica Larriba, quen confirmou que no vehículo viaxaban nove persoas.
As forzas de seguridade do Estado sinalaron que o primeiro aviso do sinistro chegou dunha persoa que observou a barreira da vía esnaquizada no punto do accidente.
O 112 recibiu , tamén, chamadas de auxilio desde o interior do autobús accidentado. Precisamente, un dos ocupantes indicou con que liña e empresa coincidía o vehículo.
O pasaxeiro alertou que o vehículo se atopaba no río e o habitáculo comezaba a encherse de auga, porén non puido confirmar o número exacto de viaxeiros.