O cribado polo surto rexistrado despois dunha cea de médicos residentes do Complexo Hospitalario Universitario de Santiago (CHUS) detectou outros sete positivos.
Fontes da área sanitaria confirmaron que ao control acudiu o 70 % das persoas citadas e o resultado total é de 18 residentes da área sanitaria, após os 11 notificados esta pasada cuarta feira.
A cea tivo lugar o pasado 7 de decembro e a ela acudiron unhas 120 persoas.
Cribado específico
Unha vez coñecida a situación, as mesmas fontes sinalan que se programou un cribado específico para todo o colectivo de medicas e médicos internos residentes da área de Santiago, ao que foron citadas 300 persoas.
As mesmas fontes sinalaron que acudiron perto do 70 % dos citados.
Sobre a concorrencia, a área sanitaria lembra que "nestes momentos moitos residentes xa non se atopan en Santiago".
A Dirección da área sanitaria, na información remitida esta quinta feira, subliña que "nin a dirección da área nin o coordinador de docencia tiñan coñecemento da celebración deste evento", o cal "contravén as directrices marcadas polo Servizo de Medicina Preventiva, anteriormente enviadas a toda á institución e en recomendábaas que non se celebrasen este tipo de actividades", sosteñen.
