A calor dá unha tregua. Baixan as temperaturas na Galiza

Unha masa de aire atlántica máis fría, provocará esta quinta feira un descenso de temperaturas de até 10ºC en comparación co día anterior. Deste modo, é probábel que sexa o último día da vaga de calor.

Así, a baixada de temperaturas aproximarase ao norte peninsular esta quinta feira, o que provocará un descenso térmico na Galiza e os territorios cantábricos, así como noutras zonas da vertente atlántica.

Esta baixada dos termómetros estenderase a gran parte da metade noroeste peninsular a partir da sexta feira, polo que a baixada de temperaturas chegará a máis zonas.

Así mesmo, a baixada de temperaturas desprazarase cara ao leste durante a fin de semana e sairá da Península polo Mediterráneo, polo que o descenso de valores alongaríase até a segunda feira e sumaríase a un aumento da inestabilidade en forma de chuvascos e tormentas.

Xornada da sexta feira

Ademais, espérase un descenso xeneralizado das temperaturas para a sexta feira, cando as máximas baixarán en gran parte da Galiza.