Os novos contaxios de Covid disparáronse até os 8.343 no conxunto da Galiza nas últimas 24 horas. Son uns 2.400 máis que os rexistrados o día anterior, o que eleva os casos activos a 76.276, 4.772 máis que a xornada pasada. Pola súa banda, os pacientes hospitalizados polo coronavirus descenden até os 508, mentres que a taxa de positividade alcanza un 26%.
Segundo os datos actualizados na mañá desta cuarta feira pola Consellería de Sanidade con rexistros até as 18 horas desta terza, increméntanse a 55 as persoas ingresadas en UCI pola Covid na Galiza -sete máis-, pero descenden a 453 as hospitalizadas noutras unidades -nove menos-.
Presión hospitalaria
Por áreas sanitarias, a presión hospitalaria descende nas de Vigo, que aínda que mantén 11 pacientes Covid en UCI e rexistra 81 noutras unidades -15 menos-; Santiago, onde aumentan a seis o críticos -un máis- pero descenden a 63 os hospitalizados noutras unidades -oito menos-, e Ourense, onde aumentan a oito os pacientes Covid en UCI -dous máis-, mais baixan a 66 os ingresados noutras unidades -tres menos-.
Pola súa banda, a área de Ferrol rexistra catro doentes críticos -dous máis- e 27 noutras unidades -dous menos-. Nas outras tres áreas sanitarias aumentan os hospitalizados. Na da Coruña soben a 14 o críticos -un máis- e a 99 os ingresados noutras unidades -11 máis-.
A área de Pontevedra mantén sete pacientes Covid en UCI, pero aumentan a 66 os ingresados noutras unidades -cinco máis-; mentres que na de Lugo soben a cinco o críticos -un máis- e a 51 os doutras unidades -tres máis-.
Casos activos
Os casos activos de Covid seguen en aumento e alcanzan os 76.276, que supoñen 4.772 máis que a xornada anterior. De novo, a área de Vigo concentra o maior incremento de infeccións activas (+1.367), seguida da da Coruña (+1.002), Santiago (+728), Lugo (+625), Pontevedra (+442), Ourense (+440) e Ferrol (+168).
Así, con máis infeccións activas mantense a área sanitaria de Vigo, con 17.506; seguida da da Coruña, con 14.625; Santiago, con 13.343; Ourense, con 9.615; Pontevedra, con 8.632; Lugo, con 7.919, e Ferrol, con 4.636.
Segundo os últimos datos actualizados polo Ministerio de Sanidad, a incidencia acumulada a 14 días na Galiza aumenta a 3.042,09 casos por 100.000 habitantes, fronte aos 3.042,11 da media estatal.
Novos contaxios
Os novos contaxios disparáronse nas últimas 24 horas até os 8.343, uns 2.400 máis que os 5.927 rexistrados a xornada anterior.
As persoas falecidas con Covid desde o inicio desta pandemia aumentan a 2.829, ao notificar a Consellería de Sanidadedous novos óbitos, dúas mulleres de 91 e 97 anos de idade, que presentaban patoloxías previas.