"Non son 132 lumes, son 132 atentados"
105 lumes aínda activos, 19 deles perigosos para as persoas
16 de outubro de 2017 (11:17 h.)
A catástrofe non ten fin. A tal hora aínda fican activos 105 lumes, 15 deles alerta 2, informou a conselleira de Medio Rural.
En declaracións á SER, Ángeles Vázquez non ten a menor dúbida de os incendios seren intencionados. "Non son 132 incendios [os rexistados durante a fin de semana na Galiza], son 132 atentados. Sucedeu porque está a man do home detrás. Galiza sábeo".
En troca, o fiscal de Medio Ambiente, Álvaro García Ortiz, tamén en declaracións á mesma emisora, optou por un discurso máis cauto e afirmou que aínda non se dispón de probas para asegurar categoricamente que os incendios desta fin de semana obedecen todos eles [como si asegura a Xunta] a actos deliberados.