Futbol virtual: 'Haiche moito tolo no teu videoxogo'

A coñecida como 'Xeración Xabarín' medrou escoitando nos minutos musicais do lendario programa da TVG aquela Oda ao futbolín na que os Diplomáticos de Monte Alto desenvolvían un exercicio de pre-nostalxia reivindicando a universal invención de Alexandre de Fisterra en contraposición a uns videoxogos que xa naquel afastado 1994 comezaban a gañar terreo entre as prioridades de ocio da rapazada. De feito, ao mesmo tempo que Xurxo Souto e os seus compañeiros cantaban aquilo de "Haiche moto tolo no teu videoxogo, hai moito retolo no teu videoxogo, hai moito espeleólogo no teu videoxogo", a empresa canadense EA Sports lanzaba ao mercado Fifa International Soccer, a primeira entrega dunha das sagas de videoxogos máis lonxevas e exitosas de todo o mundo, como proban as 325 millóns de copias que leva vendidas até o día de hoxe. O mesmísimo presidente do Real Madrid, Florentino Pérez, e que é un dos motivos detrás do seu proxecto de creación dunha superliga europea. Segundo os seus datos, a mocidade "non aguanta un partido enteiro, din que se lles fai moi longo e perden o interese" O seu éxito foi tal que non só barreu coas franquías dominantes até aquel momento (Kick Off, Sensible Soccer), senón con outras xurdidas posteriormente como Virtua Striker, International Superstar Soccer, This is Football, Líbero Grande) e mesmo co propio futbolín, pasatempo predileto de varias xeracións de galegas e hoxe reducido a un produto de nicho tan demodé como os salóns recreativos e os bares onde se poden atopar as últimas unidades do que no veciño Portugal coñecen co nome de matraquilhos e no Brasil como totó, pebolim ou pacal. Tanto é así que se está producindo unha situación paradoxal da que vén avisando o mesmísimo presidente do Real Madrid, Florentino Pérez, e que é un dos motivos detrás do seu proxecto de creación dunha superliga europea. Segundo os seus datos, a mocidade "non aguanta un partido enteiro, din que se lles fai moi longo e perden o interese" en favor doutras plataformas como as videoconsolas... onde xogan ao Fifa coas súas amigas e xente de todo o mundo a través da Internet. Para Carlos Pereiro, fundador da revista de videoxogos en galego Morcego, aí está a chave do cambio de paradigma do que advirte Pérez: "No momento en que se populariza o poder xogar con persoas descoñecidas a través da Internet, a partir do lanzamento da Play Station 3 e da XBOX 360 aló polos anos 2005-2006, multiplícase o seu alcance, xurdindo unha vea competitiva a custa da desaparición daquela cultura popular que se creara nos anos anteriores de quedar na nosa casa ou na dalgunha amiga para "botar uns 'fifas' ou, como era máis habitual por aquel entón, uns 'pros". Porque, efectivamente, se ben hoxe fútbol virtual é sinónimo de Fifa, houbo unha época non tan afastada na que non foi así. Nos anos previos a ese limiar da irrupción do xogo online unha firma xaponesa, Konami, logrou arrebatarlle ao Fifa o trono de rei do fútbol no que se atopaba desde a década dos 90 cunha serie de xogos que a día de hoxe adquiriron a condición de títulos de culto entre a comunidade 'gamer': Pro Evolution Soccer. "Fun, son e serei de Pro" As palabras non son dun afeccionado calquera á saga PES -ou PRO-, como é coñecida popularmente, senón do segundo futbolista que máis veces vestiu a camiseta do Real Club Deportivo, o eterno Manuel Pablo, nunhas contundentes declaracións de 2008 ao xornalista Omar Bello. Unhas verbas igualmente lapidarias son as que pronunciou alá por 2011 un home convertido hoxe en lenda vivinte e daquela aínda prometedor talento, Iago Aspas, a quen escribe estas liñas: "Son de PRO, non o cambio por nada". Esa paixón compartida mesmo por profesionais do deporte rei como os capitáns celeste e branquiazul sustentábase na xogabilidade e as características diferenciais duns títulos que tocaron teito con Pro Evolution Soccer 6, considerado un clásico instantáneo desde o seu lanzamento no outono de 2006 e, coa perspectiva que dan os anos, como o mellor simulador futbolístico de todos os tempos e o canto de cisne dun modo de entender os videoxogos que deixou lembranzas imborrábeis, como a abafante superioridade do home que saía na portada do xogo, o dianteiro do Inter e a selección brasileira Adriano Leite -absolutamente 'chetado', empregando a terminoloxía 'gamer'-, ou unha serie de torneos multitudinarios dos que a Galiza non foi unha excepción, como poden -podemos- dar fe as universitarias que sacrificamos varias tardes de estudo para competir ante a pantalla xigante do desaparecido Bar Campus da rúa Rosalía de Castro de Compostela. Segundo informou a propia Fifa, o organismo reitor do fútbol a nivel mundial que dá nome ao videoxogo, nas diferentes competicións de 'eSports' que se desenvolvan neste 2021, como a prestixiosa 'Fifa eWorld Cup' repartiranse 3,7 millóns de euros en premios, o que dá unha idea da capacidade de mobilización de recursos destes torneos. 'eSports', un sector que xa move máis de 1.000 millóns Ese formato de multitudinarios campionatos de marcado carácter amador desenvolvidos entre fume de tabaco, cascos de cervexa e pinchos de tortilla co único obxectivo de pasalo ben ou, como moito, recadar cartos para a viaxe do 'paso de ecuador' dunha determinada facultade quedaron tan atrás como a época dourada do Pro Evolution Soccer e, seguindo unha sorte de acelerada evolución paralela ao que acontece co fútbol no mundo real, arredor do devandito Fifa -e doutros títulos tan popuares como Fortnite ou League of Legends- articulouse unha industria multimillonaria hiperprofesionalizada coñecida como 'eSports'. Segundo informou a propia Fifa, o organismo reitor do fútbol a nivel mundial que dá nome ao videoxogo, nas diferentes competicións de 'eSports' que se desenvolvan neste 2021, como a prestixiosa 'Fifa eWorld Cup' repartiranse 3,7 millóns de euros en premios, o que dá unha idea da capacidade de mobilización de recursos destes torneos. En total, a industria prevé que arredor dos 'eSports' se xeren 1.084 millóns de dólares neste 2021, unha cifra que calculan medrará até superar os 1.500 millóns de dólares en 2023. Ademais, este foi un dos poucos sectores que non se resentiron durante os meses de fechamento domiciliario a causa da irrupción da pandemia da Covid-19 en 2020, pois a anulación das distintas competicións levou á organización de réplicas virtuais das mesmas e a que mesmo canles fóra do circuíto 'gamer' retransmitiran partidos de Fifa disputados por futbolistas profesionais de distintos equipos contra compañeiros de profesión, famosos de diversa pelaxe e, sobre todo, youtubers, o que non fixo senón multiplicar aínda máis a xa enorme popularidade de figuras como DjMariio ou Ibai Llanos. Os dous youtubers galegos máis importantes son Wismichu e El Xocas. O primeiro conta con máis de nove millóns de subscritoras á súa canle, mentres que o segundo é un dos fenómenos da actualidade e medrou exponencialmente ao longo dos últimos meses, aproximándose á cifra do 1.500.000 seguidoras Os ídolos das túas fillas que nin sequera coñeces Se en 1980 os Buggles cantaban aquilo de Video Killed The Radio star, xa en 2010 The Limousines lanzaban unha versión moito máis adaptada aos novos tempos titulada Internet Killed The Video Star, porque é na rede onde están as estrelas, especialmente para a xente máis nova. O experto en videoxogos e en cultura popular Nacho Pena destaca os nomes dos youtubers DjMariio ou Ibai Llanos como figuras "top" no sector, que acumulan sete e seis millóns de seguidores nas súas canles de Youtube, respectivamente, a base de retransmitir partidas de 'eSports', mais tamén de contar coa frecuente presenza de profesionais do fútbol do nivel de Agüero, Ronaldo, Messi, Piqué ou Courtois. "Isto é un mundo -engade Carlos Pereiro-, pois son xente que vive exclusivamente diso, e que son amigos duns futbolistas para os que eles tamén son ídolos. De feito, hai algúns que chegaron a estar tan enganchados que os seus equipos limitáronlle o seu uso". A súa popularidade levounos a diversificar as súas vías de negocio, e xa non se limitan a retransmitir -ou 'stremear', no argot 'gamer'- as súas partidas ao Fifa ou a outros xogos, senón que se abriron a novas plataformas como Twitch, onde 40.000 persoas pagan unha subscrición de cinco euros todos os meses para poder acceder aos contidos que elabora Ibai, un mozo que nos últimos tempos comezou a desenvolver outro tipo de materiais audiovisuais, construíndo unha sorte de nova televisión adaptada ás modernas linguaxes e formatos demandados pola xente máis nova. Nela, combina desde partidos de fútbol que disputa contra 'cracks' do nivel de Neymar a entrevistas a personaxes de moda como C. Tangana, pasando pola organización das súas propias badaladas para despedir o ano 2020, nas que emitiu un comunicado dirixido a todas as nais e pais do mundo explicándolles que el era "ese rapaz gordiño que as súas fillas e fillos estaban mirando todo o día na pantalla do ordenador", ao mesmo tempo que lles pedía "unha oportunidade" para escollelo para seguir a despedida do 2020, porque "é un bo modo de entender o que ven as vosas fillas". O resultado? 243.256 espectadoras, cun pico de 552.000, pasaron a Noitevella conectadas á súa canle de Twitch, unhas cifras non moi afastadas dalgunha das canles xeneralistas, como La Sexta. E, aínda que o Fifa e o fútbol non están entre os seus dominios, os dous youtubers galegos máis importantes son Wismichu e El Xocas. O primeiro conta con máis de nove millóns de subscritoras á súa canle, mentres que o segundo é un dos fenómenos da actualidade e medrou exponencialmente ao longo dos últimos meses, aproximándose á cifra do 1.500.000 seguidoras entre Twitch e o propio Youtube. A chave do seu crecemento foi a viralización da frase "isto non é un xogo", coa que este mozo natural de Lugo coñecido fóra da rede como Joaquín Domínguez trataba de definir a seriedade coa que el afronta as competicións de 'eSports'. Tanta, que recentemente tomou a determinación de deixar o seu traballo como editor de vídeo nin máis nin menos que no Real Madrid de Florentino Pérez para dedicarse profesionalmente ao mundo do 'streaming' de videoxogos, caracterizándose desde entón por protagonizar maratonianas sesións que poden superar as 12 horas diarias ante a pantalla. Nunha recente entrevista co popular programa La Resistencia, El Xocas recoñecía que o camiño que escollera era sinónimo de "inestabilidade absoluta, tensión e ansiedade", engadindo que "se subsiste da xente que esta aí e confía en ti, pero basicamente, non sabes se o próximo mes a cousa vai ir ben ou mal, polo que hai que evitar pensar moito niso", o que non foi óbice para que, a raíz da sonada fuxida a Andorra para pagar menos impostos por parte do youtuber máis popular do Estado, El Rubius, sinalara que, "a pesar de pagar a Facenda cinco cifras trimestralmente", el quedaba para "contribuír".