A xunta electoral avala suspender as eleccións e estima que debe repetirse o "proceso íntegro"
18 de marzo de 2020 (14:13 h.)
A xunta electoral avalou a suspensión do proceso electoral, como pactaron as principais forzas políticas, e sinala que a decisión de que non se realicen pódese "adoptar polo presidente da Xunta" á vista do estado de emerxencia sanitaria declarada.
De feito, o decreto está previsto que se aprobe polo Consello de Xunta esta cuarta feira, que esperaba o visto e prace do árbitro electoral sobre o documento acordado cos partidos políticos.
Ademais, a xunta electoral entende que debe procederse, con posterioridade á "repetición íntegra do proceso" electoral, como o que "mellor se axusta para que a futura votación poida realizarse en liberdade de concorrencia, votación e execución sen solución de continuidade".