O equipo de acrobacias aéreas do exército español pintou no ceo unha bandeira española sobre os asistentes á manifestación do Día da Patria Galega, xerando os apupos e asubíos de miles de participantes na mobilización.
A exposición estaba prevista para o acto de ofrenda ao Apóstolo, que se celebrou coa participación do rei español Felipe VI co gallo do 25 de Xullo.
O fume vaise. O orgullo de sermos permanece. ✊#GalizaSenLimites pic.twitter.com/mHnN4y1y7C
— BNG (@obloque) July 25, 2021![Publicidade 196050]()
Os avións pasaron até en dúas ocasións por riba da mobilización do BNG, debuxando no ar as cores da bandeira de España. “Independencia”, “Que queiran que non, Galiza é unha nación” ou o cántico de “Galegas somos, galegas, seremos, por españolas nunca pasaremos” foi a resposta das manifestantes a esa ‘pasada’ dos avións.
O anuncio no seu día de que o exército español ía facer esta acción non paso desapercibido nas redes sociais: "De quen sería esa idea? No día de reafirmación da identidade da Galiza, onde millares de persoas se deslocan a Compostela para se manifestar e exixir respecto, o Exército español fará iso? Máis unha provocación a listar que só contribúe ao sentimento de independencia", sinala un usuario.
