O Supremo sinala a Xunta pola repartición de mercado ilegal de Monbus e Alsa: "Nin analiza, nin comproba"

Monbus e Alsa, dous dos xigantes do transporte de viaxeiras, concorreron en 2020 como unión temporal de empresas (UTE) a cinco contratos dos 29 dos que constaba un concurso público de transporte por estrada. A maiores desa unidade para cinco lotes, no resto nin Monbus nin Alsa se presentaban no concurso no que o facía a outra. Travieso Consultores de Xestión e Software de Transporte de Viaxeiros e a CIG denunciaron ante a Comisión Galega da Competencia (CGC) o que entendían que podía ser un proceder de "repartición do mercado", mais o órgano de Competencia do Goberno galego decidiu nin sequera investigar e arquivou o caso. Mais o caso chegou ao Tribunal Superior de Xustiza da Galiza (TSXG) grazas ao recurso de Travieso Software contra ese arquivamento, e o máximo órgano xudicial galego, en marzo deste ano, ordenou á Comisión Galega da Competencia iniciar os trámites para abrir un expediente sancionador contra Monbus e Alsa "por indicios de que puideron repartirse o mercado". A resposta de ambas as dúas empresas, á que se sumou a Xunta da Galiza, foi presentar candanseu recurso de casación ante o Tribunal Supremo (TS) contra a decisión do TSXG. Agora o Supremo vén de inadmitir eses recursos e fai firme, sen posibilidade de interpor recurso, o que hai sete meses ditou o tribunal galego. No auto, ao que tivo acceso Nós Diario, aválase a explicación dada polo TSXG de que a decisión de Monbus e Alsa de concorrer en UTE "non está xustificada e responde á conduta prohibida de se repartir o mercado". As adxudicacións a Monbus levan outros catro cargos da Xunta ao xulgado "Nin analiza nin comproba" O auto do Supremo, ademais, sinala a Xunta ao indicar que o seu órgano de competencia "non analiza nin comproba se a distribución de lotes favorece Alsa e Monbus nin se falsea a libre competencia ou adecúase ás exixencias do mercado". A Comisión Galega da Competencia está presidida desde xullo de 2019 por Ignacio López-Chaves, nomeado polo Goberno galego. Chaves iniciou a súa carreira política como concelleiro do PP de Vigo, de onde pasou a deputado no Parlamento galego en tres lexislaturas. Foi presidente da Autoridade Portuaria de Vigo (2011-2015) e delegado da Xunta para Vigo, entre 2015 e 2019. Foi el quen anunciou, nunha comparecencia en xuño no Parlamento galego, que a Administración galega ía recorrer ante o Supremo. Apenas catro meses despois daquel anuncio o Alto Tribunal vén de inadmitir o recurso. O TSXG denega as alegacións de Xunta e Monbus á anulación de adxudicacións de liñas de transporte O que vén de facer firme o TS é que o órgano de Competencia da Xunta, malia as denuncias que se lle presentaron apuntando a un posíbel reparto de mercado ilegal nun concurso público, non investigou e optou por non actuar. Cando o TSXG lle ordenou iniciar os trámites para abrir un expediente sancionador a esas dúas empresas, optou por presentar un recurso de casación. Os concursos, no albo Os concursos de transporte público da Xunta da Galiza acumulan varias denuncias, segundo confirma a Nós Diario Galibus, asociación de empresas de transporte, que é quen impulsa varias delas. Monbus é o principal beneficiario das concesións de transporte por estrada outorgadas pola Xunta da Galiza. O accionista maioritario da compañía é o empresario lugués Raúl López, mentres Abanca controla 33,9% do seu capital. Asemade, o grupo está formado por ducias de sociedades, con presenza na Galiza e no resto do Estado, situándose á fronte delas o propio López ou persoas do seu círculo familiar. A compañía controla arredor de 80% das liñas de transporte público por estrada da Galiza. Entre 2019 e 2022, a empresa resultou adxudicataria duns 170 contratos, segundo informaron fontes do sector a este medio. A Xunta súmase a Monbus e Alsa e recorre a sentenza do TSXG por "repartición" do mercado As adxudicacións a Monbus levaron varios cargos da Xunta da Galiza ao xulgado en setembro e no mes presente, outubro. Entre eles, catro responsábeis da Consellaría de Educación vinculados á adxudicación de diversos lotes de transporte escolar á empresa Monbus: o subdirector xeral de Coordinación Económica e Contratación da Secretaría Xeral Técnica, o interventor delegado da Consellaría, a asesora xurídica da Área de Educación da Consellaría e a xefa da Sección de Coordinación Administrativa da Secretaría Xeral Técnica. Todos eles limitáronse a responder as preguntas formuladas polos seus avogados, segundo fontes coñecedoras do procedemento. A liña argumental esgrimida por estes cargos, segundo estas fontes, incidiu en que non tiñan constancia de que Monbus estaba a ser beneficiaria de máis lotes dos fixados como máximo no prego de condicións (8). Monbus, "sorprendida" Desde Monbus, e a requirimento deste diario, afirmaron estar "profundamente sorprendidos pola decisión do Tribunal Supremo de inadmitir o recurso presentado". A empresa informa que "esgotará todas as vías legalmente estabelecidas e interporá nos próximos días un recurso de amparo ante o Tribunal Constitucional". Pola súa parte, Monbus "rexeita contundentemente que incorrese en práctica anticompetitiva ". Este diario púxose tamén en contacto coa Consellaría de Infraestruturas e Mobilidade para pedir a súa valoración do auto do TS. O departamento declinou comentar o auto e derivou este medio á Consellaría de Economía. Este departamento rerspondeu que respecta o auto do Tribunal Supremo" e que O TSXG anula a adxudicación doutro lote de transporte escolar da Xunta a unha UTE por estar dominada por Monbus