"O novo logo mostra un BNG aberto e ambicioso"
Aos seus 39 anos, Xavier Campos é o responsábel de Comunicación do BNG non en calquera tempo, senón nun tempo de mudanzas que desde Rodríguez de Viguri, a sede nacinal da formación frontista, se pretenden profundas. Tanto que o Bloque muda de logo por vez primeira en tres décadas. Na entrevista política do Sermos248, xa na rúa, Campos debulla as chaves da mudanza. Eis un extracto da conversa.
-Acabades de apresentar o novo logo do BNG. Que queredes comunicar con el á sociedade galega?
-A mudanza o que procura é transmitir a idea de que estamos nunha nova etapa e por iso conscientemente apostamos nun logo que fose recoñecíbel na traxectoria do BNG, que a xente ao velo recoñecese a marca do Bloque, mais que ao mesmo tempo fose un logotipo novo. Non quixemos unha simples actualizacións e si un logotipo novo. O que transmite é ese equilibrio, de etapa nova, mantendo ao mesmo tempo o mellor da nosa traxectoria e do noso pasado.
-Imaxino certo nervosismo perante a recepción social que poda haber...
-Hai curiosidade por saber que tipo de recepción vai ter. En xeral pensamos que é un logotipo que vai gustar, pero si que hai certa expectación por ver como é recibido tanto na propia militancia, no corpo social do nacionalismo, mais tamén fóra, na medida en que imos a este novo logotipo por unha decisión política de remarcar que estamos nunha etapa diferente do Bloque.
-Na concepción do logo que houbo máis, debate técnico ou político?
-E os trazos básicos do logo como os definirías?
-É un logotipo que busca transmitir modernidade e actualidade, un logo de trazos sinxelos, simples, con novidades como é fundamental a asunción das minúsculas, como unha forma de transmitir proximidade e cercanía á propia sociedade. E despois é limpo, transparente, ordenado. Comunica esas ideas que trasladamos continuamente nos materiais que facemos para reforzar esa sensación de tempo novo.
[A íntegra da entrevista aparece no Sermos248, xa na nosa loxa e nos pontos de venda habituais]