Asuntos clave para o país dependen das decisións do Congreso

Galiza ten todo por facer en Madrid

As grandes infraestruturas, as deficiencias nas comunicacións, a continuidade das electrointensivaa, a transición enerxética e o autogoberno son os principais asuntos pendentes da Galiza no Congreso das Deputadas.

Vista do hemiciclo do Congreso na última votación de investidura en xullo 2019 (Europa Press)
photo_camera Vista do hemiciclo do Congreso na última votación de investidura en xullo 2019 (Europa Press)

Todos os partidos coinciden en que é "urxente" ter un Goberno con plenas funcións no Estado para aprobar un estatuto para as industrias electrointensivas que permita a súa continuidade na Galiza. "Máis de 5.000 postos de traballo directos na Mariña, en Ferrolterra, na Coruña e na Costa da Morte dependen disto", explica o deputado do Bloque Nacionalista Galego no Congreso, Néstor Rego.

Coa vista posta tamén nunha "transición enerxética" que traia consigo unha "alternativa" para As Pontes e Meirama, as grandes infraestruturas centran os discursos, co AVE a Madrid como protagonista. Para o deputado do PP Celso Delgado hai un compromiso "incumprido" e Fomento "non dá información", pese a que, nas súas palabras, "Galiza precisa as máximas capacidades de comunicación de cara ao grande acontecemento de 2021: o Xacobeo". Mentres, o socialista Pablo Arangüena asegura que "o Goberno está a facer o máximo esforzo".

Por outra banda, o nacionalista Néstor Rego asegura que Galiza precisa unha "mudanza" do seu "marco xurídico-político" para ser recoñecida como unha "nación" que toma as súas "decisións propias". "Temos pendente a asunción de competencias, pois nos 10 anos do mandato de Feixoo non se asumiu ningunha", engade.

A reportaxe completa pode consultala na edición en papel en Nós Diario ou na súa lectura na nube.

A INFORMACIÓN GALEGA ESTÁ NA TÚA MAN!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

comentarios