Feixoo admite que mentiu e atribúe a súa afirmación de que Mazón o informou "en tempo real" da dina a un "erro"
O presidente do PP, Alberto Núñez Feixoo, manifestou á xuíza que investiga a xestión da dina que azoutou o País Valencià o 29 de outubro de 2024 que non soubo da riada até aproximadamente as 20 horas e que nesa xornada o ex president da Generalitat Valenciana Carlos Mazón non lle informou en "tempo real", tal e como si manifestou por "erro".
Preguntado por se Mazón estivo a informar en "tempo real" desde o mesmo 29 de outubro, tal e como manifestou inicialmente, comentou que el acudiu a quinta feira ao Cecopi e realizou unhas manifestacións aos medios de comunicación.
Desta maneira, o presidente do PP admitiu que non dixo a verdade e aclarou que hai un "erro" cando dixo que o día da dina estivo informado en "tempo real" por Mazón porque non se refería á segunda feira, senón á terza feira e á cuarta feira, os días posteriores.
Neste sentido, sinalou que o día da riada non recibiu ningunha información de Mazón. Nin a recibiu nin a pediu, dixo, porque todos os responsábeis do Goberno español non fixeron ningunha valoración respecto diso no Congreso que lle permitise a el alertarse do que estaba a pasar. Así, tras soster durante un ano que tivo información en tempo real, agora Feixoo sinala que el tivo información da dina pasadas as 20 horas.
