Os tres edís díscolos de Democracia Ourensá abandonan o partido e pasan a non adscritos

Veñen de presentar un escrito no que informan da súa decisión.
EuropaPress_3306474_criticos_democracia_ourensana
photo_camera Os concelleiros críticos, xa fóra de Democracia Ourensana, nunha imaxe de arquivo. (Foto: Europa Press).

Os tres concelleiros díscolos coa xestión do alcalde de Ourense, Gonzalo Pérez Jácome, e que seguían en Democracia Ourensá abandonaron o partido e pasan a formar parte do non adscritos, segundo informa o consistorio.

As concelleiras María Teresa Rodríguez, María del Mar Fernández Dibuja e Miguel Caride presentaron un escrito por rexistro e ante a secretaría do pleno no que informan da súa decisión.

Toman esta decisión debido a que, segundo sosteñen, "non existe democracia interna no seo do grupo municipal". Após esta medida, o alcalde -que os tivo que readmitir após un auto que suspendeu a súa expulsión- considera que abandonan o grupo "única e exclusivamente por intereses económicos".

"Abandonan antes de que os bote"

Defende este argumento despois de que os edís fosen apartados das xuntas da área "após non respectar a disciplina de voto nos plenos", sosteñen desde o Goberno local.

O alcalde e presidente de Democracia Ourensá asegura, ademais, que os tres edís "abandonan antes de que os bote" e afirma que "deixar de percibir os máis de 300 euros mensuais -os concelleiros que asisten ás xuntas de área perciben 172 euros por sesión, cun máximo de seis ao mes- é o único motivo polo que abandonan a formación".

No escrito presentado, infórmase tamén de que Miguel Caride, deputado provincial por Democracia Ourensá, abandona a formación para pasar a ser deputado non adscrito no organismo provincial.

Comentarios