A Fiscalía da Audiencia Nacional vén de abrir dilixencias de investigación debido a tres denuncias presentadas pola asociación monárquica Concordia Real Española contra as líderes do BNG, Ana Pontón; ERC, Pere Aragonés; e Adelante Andalucía, Teresa Rodríguez; por inxurias á Coroa por mor dos seus comentarios sobre a o exilio do rei emérito, Xoán Carlos I de Borbón e as súas críticas á Monarquía.
Así o vén de confirmar e denunciar Néstor Rego, Deputado do BNG no Congreso, na súa conta de Twitter
A Fiscalía da Audiencia Nacional española abre dilixencias contra @anaponton, Portavoz do @obloque, por dicir o que tod@s sabemos, que os Borbóns son ladróns e corruptos. Chámanlle democracia mais non o é. #OsBorbónsSonUnsLadróns #RepúblicaGalega #República pic.twitter.com/k7XH4lTENj
— Néstor Rego (@NestorRego) August 9, 2020![Publicidade 196050]()
Deste modo, unha fiscal que estará nomeada para levar o asunto, será a persoa encargada de investigar se estes feitos que denuncia a asociación monárquica Concordia Real Española son ou non constitutivos de delito e se procede, ou non, presentar unha querela.
