Palabras con memoria: Forza bruta
Nova edición das 'Palabras con memoria' da AELG.
adoucisa.- Lea, barullo, belén.
Exemplo.- “Vaia adoucisa se armou ao saír do bar onte á noite!”
Lugar de escoita.- Mosteiro e Meira (Lugo).
Fonte.- Vanessa Hermida Carballeira.
Outros apuntamentos.- Endl Navia de Suarna./Rubén Pol.
cinteladas.- Dar paus a unha persoa cun cinto.
Lugar de escoita.- Vilalba.
Fonte.- Vanessa Hermida Carballeira.
malvar.- (Ademais de significados xa rexistrados) Mancar, facer dano.
Exemplo.- “Aínda te has de malvar.”
Lugar de escoita.- Carnota.
Fonte.- Nuria López Lago.
zarapilda.- Malleira, tunda, zamina.
Lugar de escoita.- Taboada (Lugo).
Fonte.- Lucas Rigueira Rey.
zopetar.- Zoscar, pegar.
Exemplo.- “Como sigas así de chulo, hanche zopetar calquera día.”
Lugar de escoita.- Burela.
Fonte.- Mario Ferreira.
