Palabras con memoria: terras

Nova edición das 'Palabras con memoria' de Ramiro Torres.

Vista da lagoa de Cospeito (A Terra Chá) desde o miradoiro principal. (Foto: Victoria Ben)

Ramiro Torres / AELG

Actualizado: 03/02/25 | 9:23 | Tempo de lectura: 0 min.

carredal.- Entrada a un eido, onde pode haber unha portela.
Lugar de escoita.- Buciños, Carballedo.
Fonte.- Hortensia Vázquez Fraga.
Outros apuntamentos.- A fonte indica que a palabra foi escoitada de boca de Guadalupe García Álvarez.

gatumeira.- Mato moi espeso, no que é moi difícil penetrar.
Lugar de escoita.- Moa - Vilatuxe, Serra do Candán (sudoeste do Concello de Lalín).
Fonte.- Daniel Blanco Moa.
Outros apuntamentos.- Adoita pronunciarse con gheada.

nemarello.- A pequena área herbácea que rodea as fontes que atopamos no monte.
Lugar de escoita.- Baltar (Ourense).
Fonte.- Xesús Baños.

platela.- Fonte.
Lugar de escoita.- Cerceda.
Fonte.- Lucía Prego Vázquez/CPI O Cruce de Cerceda.

raitame.- Peche dunha propiedade rural de tipo natural, con arbustos, silvas, etc.
Lugar de escoita.- Vilapedre (Terra Cha).
Fonte.- Antonio Eimil.