Palabras con memoria: palabras antigas

Nova edición das 'Palabras con memoria' de Ramiro Torres.

Carro galego en Santa Comba, Lugo. (Foto: Xelo)

Ramiro Torres / AELG

Actualizado: 03/01/25 | 11:15 | Tempo de lectura: 0 min.

chiolo.- Carro de vacas.
Lugar de escoita.- Bisbarra de Bergantiños.
Fonte.- Alberte Suras.

gancho.- (Ademais de significados rexistrados) Apeiro de labranza empregado para reguear consistente en dous dentes. Gadaño.
Exemplo.- "Nunca pon as patacas co arado, prefire poñelas ao gancho".
Lugar de escoita.- Burela (Mariña luguesa).
Fonte.- Mario Ferreira.

ganseira.- (Ademais doutros significados) Sinónimo de caínzo.
Lugar de escoita.- Navia de Suarna.
Fonte.- Toño Núñez.

mantela.- (Ademais doutros significados máis comúns) Saco aberto formando un cadrado sobre o que se poñen os feixes que se van coller e unha vez cheo átanse as esquinas en diagonal. Igual que engheo.
Lugar de escoita.- Punxín (Maside).
Fonte.- Susana Méndez (Artemia Valeiras Pérez).

zángole.- (Ademais de significados xa rexistrados) Dise do baldón que se lle pon ao carro para soportar o "cabezallo do carro".
Lugar de escoita.- O Corgo.
Fonte.- Emilio Rodríguez Aldegunde.
Outros apuntamentos.- Enviado desde o Centro de Día Vida (Monforte).