Medio cento de expertas en sociolingüística denuncian o uso da TVG do termo "bilingüismo cordial" para referirse á diglosia
Medio cento de docentes e investigadoras do ámbito da sociolingüística asinaron un escrito solicitando unha rectificación da TVG en relación co uso do termo "bilingüismo cordial" nos informativos da televisión pública galega do día 11 de febreiro para se referir ao feito de que unha persoa deixe de utilizar o galego cando outra persoa se dirixe a ela en castelán.
"Como profesorado especializado e investigador en sociolingüística, consideramos necesario aclarar que bilingüismo cordial non é un termo recoñecido academicamente", sinalan as máis de 50 persoas que asinan este comunicado dirixido á TVG.
"Pola contra, a investigación sociolingüística documentou amplamente esta dinámica comunicativa, referíndose a ela como un fenómeno da diglosia, é dicir, unha das manifestacións do proceso de substitución lingüística", aclara o persoal especialista nesta materia.
"Ademais, resulta preocupante que unha información difundida nun medio público xustifique ou normalice este comportamento lingüístico, xa que isto contradí os principios estabelecidos mesmo polo Estatuto de Autonomía, que encomenda ás institucións a promoción do galego na vida social", engaden.
"Así mesmo, diferentes normativas e tratados internacionais sobre dereitos lingüísticos reforzan a obriga de fomentar a normalización do galego", afirman. "Por todo isto, solicitamos que a cobertura informativa sobre cuestións lingüísticas se basee en criterios obxectivos e académicos, evitando a difusión de conceptos sen valor científico", acrecentan.
"Instamos a TVG a rectificar esta información e a adoptar medidas que garantan o cumprimento do artigo 5 do Estatuto de Autonomía, que estabelece o deber de promover o uso do galego en todos os ámbitos públicos, culturais e informativos", demandan as docentes e investigadoras.
"Por último, animamos todas as persoas a que contribúan activamente á normalización do galego na súa vida diaria, superando dinámicas de situacións diglósicas e facendo un uso constante e normalizado da nosa lingua propia", conclúen as especialistas en sociolingüística no seu comunicado dirixido á TVG.
Asinantes
Mariña Arbor Aldea – Universidade de Santiago de Compostela
Iván Arias Arias – Universidade de Santiago de Compostela
Xosé Bieito Arias Freixedo – Universidade de Vigo
Carlos Callón – Universidade de Santiago de Compostela
Arturo Casas Vales – Universidade de Santiago de Compostela
Lucía Cernadas Varela – Universidade da Coruña
Francisco A. Cidrás Escáneo – Universidade de Santiago de Compostela
Esther Corral Díaz – Universidade de Santiago de Compostela
Xosé Henrique Costas – Universidade de Vigo
Fernando Dacosta Pérez – Universidade de Vigo
Concepción Diéguez Diéguez – Profesora e investigadora
Carme Fernández-Pérez Sanjulián – Universidade da Coruña
Francisco Fernández Rei – Universidade de Santiago de Compostela
Benigno Fernández Salgado – Universidade de Vigo
Estela Fidalgo Garra – Universidade de Santiago de Compostela
Manuel Forcadela – Universidade de Vigo
Valentina Formoso – Profesora e investigadora
Pilar García Negro – Universidade da Coruña
Manuel González González – Universidade de Santiago de Compostela
Helena González Doval – Universidade de Santiago de Compostela
Miguel González Pereira – Universidade de Santiago de Compostela
Mercedes González Vázquez - Universidade de Vigo
Miguel Guisantes Alonso – Universidade de Santiago de Compostela
Ana Iglesias Álvarez – Universidade de Vigo
Irene López Batalla – Universidade de Santiago de Compostela
María López Sandes – Universidade de Santiago de Compostela
Xoán López Viñas – Universidade da Coruña
Cilha Lourenço Módia – Universidade da Coruña
Ramón Mariño Paz – Universidade de Santiago de Compostela
Cristina Martínez Tejero – Universidade de Santiago de Compostela
María Isabel Morán Cabanas – Universidade de Santiago de Compostela
Eduardo Moscoso Mato – Universidade de Santiago de Compostela
Teresa Moure – Universidade de Santiago de Compostela
Manuel Negri – Universidade de Santiago de Compostela
Alba Nogueira – Universidade de Santiago de Compostela
Camiño Noia Campos - Universidade de Vigo
José Carlos Quiroga Diaz – Universidade de Santiago de Compostela
Mario Regueira – Universidade da Coruña
Xosé Luís Regueira Fernández – Universidade de Santiago de Compostela
Elvira Ribeiro Tobío – Universidade de Vigo
Francisco Rodríguez – Doutor e investigador
Miguel Rodríguez Carnota – Doutor e investigador
Felisa Rodríguez Pardo – Universidade de Santiago de Compostela
Alba Rozas – Universidad de Salamanca
Xosé Manuel Salgado – Universidade de Santiago de Compostela
Xosé Manuel Sánchez Rei – Universidade da Coruña
Xosé Soto Andión – Universidade de Vigo
José António Souto Cabo – Universidade de Santiago de Compostela
Xavier Varela – Universidade de Santiago de Compostela
Nel Vidal – Profesor e investigador
Guillerme Vidal Fonseca – Universidad de Extremadura