Linguaxe corporal

ir ó sentinolo.- Ir subido nos ombros de alguén.

Lugar de escoita.- Muxía.

Fonte.- Proxecto Buserana de Muxía.

mamear.- Tocar reiteradamente coas mans; apalpar, sobar.

Exemplo.- “Deixa de mamear esas verzas, que non van valer para nada.”

Lugar de escoita.- O Morrazo.

Fonte.- Dolores Acevedo.

Outros apuntamentos.- Grupo Maré do Morrazo, formado por Salvador Castro Otero, Lucía Durán Paredes, Xosé Manuel González Barreiro, Henrique Harguindey Banet, Xosé Martínez García, Ramón Rocamonde Gómez e María Emma Tilves Pazos.

prensilar.- Agarrar algo coas dedas. Engruñar.

Exemplo.- “O bebé prensilou as sabas cos dedos dos pés.”

Lugar de escoita.- Mazaricos.

Fonte.- Vanessa García Calvo.

xan.- Final do intestino delgado.

Lugar de escoita.- Cenlle, Xubín.

Fonte.- Obdulia Soto/ C.D. Atalaia de Vigo.

zasmo.- Parte carnosa de debaixo das uñas. Sabugo.

Exemplo.- “Fixen unha ferida debaixo da uña e dóeme o zasmo.”

Lugar de escoita.- Baiona.

Fonte.- Xoana Alonso Glez. alumna de 2º de ESO do CPR Ángel de la Guarda, Priegue - Nigrán, Pontevedra.