Acolar.- (Ademais de significados rexistrados) Abanear as pólas das árbores para que caian os froitos.
Lugar de escoita.- Chantada (Lugo).
Fonte.- Andrés Lombardía C.
Outros apuntamentos.- A fonte indica tamén a modo de curiosidade de que os castiñeiros non se poden acolar, xa que ten que caer o ourizo da árbore para poder sacar o froito.
Apolitar.- Apoliñar, aganchar, subir ás árbores.
Lugar de escoita.- Filgueira (Cercedo)
Fonte.- Dolores Gamallo Rodríguez.
Outros apuntamentos.- Manuel Cabada di que en Sabucedo (A Estrada), a palabra tamén se usa co mesmo significado, aínda que cun pequeno cambio vocálico: apulitar.
Balbela.- Póla que se demouca dunha parra.
Lugar de escoita.- Marcelín- Navia de Suarna
Fonte.- Fernando/Endl Navia de Suarna.
Lugar de Escoita.- Marcelín (Navia de Suarna).
Baldema.- Póla que se demouca dunha parra, balbela.
Lugar de escoita.- Marcelín- Navia de Suarna
Fonte.- Fernando/Endl Navia de Suarna.
Barullo.-(Ademais de significados evidentes) Chámase así a póla de piñeiro.
Lugar de escoita.- Muxía.
Fonte.- Proxecto Buserana de Muxía.
Espolingar (se).- (Ademais de significados xa rexistrados) Utilízase para indicar que unha persoa subida nunha árbore se coloca nas pólas delgadas.
Lugar de escoita.- Lier (Sarria).
Fonte.- María Xosé López Castro.
Raitume.- Peche dunha propiedade rural de tipo natural, con arbustos, silvas, etc.
Lugar de escoita.- Vilapedre (Terra Cha).
Fonte.-Antonio Eimil.
Palabras con Memoria é unha sección que coordena a Asociación de Escritoras e Escritores en Lingua Galega. Todo o material podes consultalo aquí.
Se queres achegar algunha palabra que non apareza nos dicionarios, dirixe as túas propostas ao correo palabra.con.memoria@