Contra as 11.30 horas desta sexta feira [4.30h na Galiza] un home disparou dúas veces contra o ex primeiro ministro do Xapón, Shinzo Abe, e cando menos unha das balas impactou nas súas costas, segundo reportan medios nipóns.
Abe achábase ofrecendo un discurso nun mitin electoral na cidade de Nara, fronte á estación de Kintetsu Yamato, informa o xornal Asahi Shimbun, cando foi atacado por un viandante, que tería utilizado unha escopeta de fabricación caseira.
As autoridades policiais detiveron un varón de 41 anos de idade, sospeitoso de cometer un delito de intento de asasinato, que respondería ao nome de Tetsuya Yamagami, se ben aínda se descoñecen as causas do ataque.
Como consecuencia do disparo, o ex mandatario xaponés entrou en parada cardiorrespiratoria e foi trasladado ao hospital en ambulancia, onde faleceu pasadas seis horas.
Shinzo Abe ostentou o cargo de primeiro ministro do Xapón entre decembro de 2012 e setembro de 2020, polo que se converteu no dirixente político que máis tempo ficou á fronte do país.
The Ex-Prime Minister of Japan, Shinzo Abe, was shot and gravely wounded by a lone attacker with what appears to be a very crude improvised double-barrelled weapon made from pipe, tape, wood and electrical (!) firing components.
— Divyapratap_7773 (@Divyapratap7771) July 8, 2022
Possibly 12G/Black Powder pic.twitter.com/eqyDXZgbSb
Reacción de Tóquio
Após este intento de asasinato, o secretario xefe do Gabinete do actual Goberno xaponés, Hirokazu Matsuno, apuntou que representantes de todos os ministerios mantiveron unha xuntanza para "coordinar unha resposta".
"Pola razón que for, este tipo de barbarie é inaceptábel e debo condenala categoricamente. O Goberno fará todos os esforzos posíbeis para tomar varias medidas", avanzou Matsuno.
