A candidatura de Francia para esta edición do Festival de Eurovisión é unha aposta pola música tradicional bretoa adaptada a sons e maneiras do século XXI.
Isto é o que propuxeron Alvan & Ahez, unha proposta que encandlou público e xurado franceses, que non dubidaron en apoialos para representar Francia no celebre festival.
Alvan, un músico multiinstrumentista especializado en electro, e Ahez, un trío formado por Marine, Sterenn D. e Sterenn L., tres cantantes bretoas de herdanza tradicional, que interpretan historias contemporáneas mesturadas cos ritmos do seu país, sendo comparadas por moitos eurofans con Tanxugueiras.
Con 'Fulenn', abordan a lenda bretoa dunha moza que se emancipa das normas sociais bailando de noite bañada pola luz dunha fogueira.
Alvan & Ahez gañaron o Eurovision France: C’ est vous qui décidez, a final nacional organizada por France Televisions, con 'Fulenn', interpretada en idioma bretón.
