As elites europeas e o suicidio de Europa

Estas son algunhas das incógnitas da guerra de Ucraína: como é posíbel que as elites europeas comezando polos políticos e capitalistas alemáns se subordinasen aos intereses estadounidenses de manufacturar unha nova guerra fría contra Rusia cando esta política implica a desindustrialización de Europa, o desemprego masivo e o empobrecemento das súas poboacións froito da hiperinflación xerada polas sancións contra Rusia? Como é posible que as elites europeas aceptasen ter que cerrar miles de industrias contra os seus propios intereses pola alza enerxética por apoiar a guerra dos Estados Unidos (EUA) contra Rusia? Como é posible que quedaran en silencio ante o escándalo denunciado polo premio Pulitzer Seymour Hersh de que os EUA, nun acto terrorista de Estado, voaron o oleoduto ruso-alemán Nord Stream 2? Por que tanta complicidade e silencio de parte das elites europeas con esta guerra fabricada desde Washington? O que chega dos EUA cómprase a prezos exorbitantes É de todos sabido que os custos de electricidade e gas incrementáronse vertixinosamente produto das sancións contra Rusia e da recolonización estadounidense da economía europea desprazando as empresas rusas sancionadas pola guerra. As empresas estadounidenses venden cinco veces máis caro aos europeos que ás empresas rusas. A importación de gas, petróleo, aluminio, trigo, etc. proveniente agora dos EUA cómprase a prezos exorbitantes monopólicos. Ademais, toda a Unión Europea (UE) aceptou dedicar un 2% do seu orzamento estatal á compra de armamento ao complexo militar-industrial dos EUA. En fin, que as elites europeas vendéronse ao imperio estadounidense aínda sacrificando os seus propios intereses. Como explicar esta subordinación colonial aos intereses dos EUA? Subordinación Aquí mencionaremos algunhas hipóteses que explicarían o comportamento covarde das elites europeas de axeonllarse ante o imperio: 1.— As elites da UE senten que se non se aliñan incondicionalmente cos intereses dos EUA perderían o apoio militar estadounidense e quedarían orfas á mercé de novas alianzas xeopolíticas con outras potencias emerxentes como Rusia e a China, das que non se fían. Por esa vertixe e medo a perder apoio do imperio están dispostas a soportar a hiperinflación, levar á quebra miles de empresas e empobrecer as clases traballadoras europeas con tal de non perder o apoio militar dos EUA a través da OTAN. Esta traizón aos pobos por covardía terá un custo enorme que afectará ás condicións de vida dos pobos europeos. 2.— As elites europeas foron chantaxeadas polo estado imperial estadounidense baixo ameaza de que se non se aliñan cos EUA fronte a Rusia serán castigadas nos seus intereses de clase con sancións e con mecanismos financeiros sucios e indirectos como soamente o imperio sabe facer cando se trata de castigar os que non sigan as súas políticas imperiais. Ese castigo golpearía máis forte aínda o capital financeiro europeo e o Banco Central Europeo. 3.— As elites europeas acovardáronse porque saben do que é capaz o imperio estadounidense, sobre todo despois da descarada destrución dos gasodutos ruso-alemáns pola CIA coa colaboración de Noruega. Con toda a evidencia que saíu publicamente sobre a participación dos EUA na explosión dos gasodutos Nord Stream 2, as elites europeas optaron por facer como a avestruz, meter a cabeza debaixo da terra e ser cómplices co silencio. Vida ou morte colectiva As clases traballadoras e os pobos europeos soamente teñen unha opción ante tamaña traizón das elites capitalistas europeas, varrelas do mapa cunha revolución popular como a que non se viu en moitos anos e que se está comezando a xestar en Francia hoxe. É a hora dos pobos, de pasar a conta á traizón e ao suicidio colectivo das elites capitalistas-machistas europeas que soamente entenden a linguaxe da violencia. De non ser dirixido este proceso desde a esquerda, será a extrema dereita a que lle dea resposta á crise actual perpetuando por décadas a agonía dos pobos europeos ante a dominación e explotación das súas clases dominantes. O perigo de que esta aventura estadounidense contra Rusia termine en Europa cun desastre nuclear con millóns de mortos ou co fascismo, con millóns de asasinados, como ocorreu no século pasado, é moi real. O apoio aos nazis ucraínos é unha gangrena que se está regando por Europa. A disxuntiva é entre a revolución pola afirmación da vida contra unha civilización de morte ou o suicidio colectivo. A crise civilizatoria chegou a tal punto que a disxuntiva é entre optar pola vida ou optar pola morte colectiva.