Un apagamento eléctrico deixa sen luz a rexión de Cannes na xornada de clausura do festival
Un extenso corte de electricidade deixou sen luz ao redor de 160.000 fogares da zona oeste do departamento francés de Alpes Marítimos (sueste do país).
A incidencia afecta á localidade de Cannes onde este sábado ten que celebrarse clausura do seu prestixioso festival de cinema coa entrega da Palma de Ouro.
A luz mantense no Palacio de Festivais de Cannes que acolle a mostra de cinema, mais non así no resto da localidade.
Festival de Cannes
A estación de tren de Cannes non conta, tampouco, con subministro eléctrico e xa comezan a rexistrarse atrasos nas liñas ferroviarias.
Un portavoz da prefectura de Alpes Marítimos indicou que o apagamento, que se produciu ás 10:00 horas, afecta a todo o oeste do departamento, limítrofe con Italia.
A Rede de Transporte Eléctrico sinalou que a avaría eléctrica foi provocada polo incendio nunha subestación da rexión de Cannes e o corte nunha liña de alta tensión"
Un voceiro da Rede de Transporte Eléctrico destacou que o incendio que xerou o apagamento comezou perto das tres da madrugada rexión de Cannes e que, por tanto, debilitou a rede”
