Sermos Galiza vai publicar esta sexta feira, no seu semanario impreso, un poema inédito de Rosalía de Castro.
25 de abril de 2013 (09:05 h.)
Un poema inédito do grande símbolo nacional de Galiza vai ver a luz nas páxinas de Sermos Galiza, esta sexta feira nos quiosques.
O poema foi achado polo doutor en Filoloxía Románica Francisco Rodríguez no decurso dunha das súas investigacións sobre a obra da autora de Cantares Gallegos.
Rodríguez, un dos maiores expertos en Rosalía de Castro, non dubida á hora de cualificar como moi significativo o poema que agora se resgata para a sociedade galega.
Francisco Rodríguez (Ferrol, 1945), membro do Consello Nacional do BNG, é o autor da primeira tese de doutoramento sobre Rosalía e o seu ensaio máis recente leva por título Rosalía, Estranxeira na súa Patria.