A 'competitividade' que lastra a resposta á crise

As achegas ao Produto Interior Bruto (PIB) e ao emprego das consideradas como empresas altamente competitivas sitúanse na Galiza á cola do Estado español. A maiores, a súa contribución a estas dúas variábeis non deixa de caer desde 2014, sinalando o Instituto Valenciano de Investigacións Económicas (IVIE), un organismo dependente do Goberno valenciano, que os territorios cunha elevada porcentaxe de empresas de alta competitividade están máis preparados para facer fronte á situación provocada pola pandemia.