CaixaBank tantea mercar Novagalicia Banco

CaixaBank tería mostrado a súa disposición a adquirir a particpación do estado en NGB nun proceso ao abeiro da aposta do goberno de Rajoy por unha segunda vaga de fusións bancarias
CaixaBank. (Foto: Europa Press)

CaixaBank estaría interesada en adquirir Novagalicia Banco (NGB), nunha operación en que a entidade catalá estaría a estudar prezos e condicións e do que o Banco de España xa tería coñecemento. O paso de Caixabank entaría no marco da estratexia do goberno de Rajoy, que aposta por unha nova vaga de fusións bancarias. A operación podería estar pechada antes do vindeiro verán.

Segundo recollen diversos medios, entre círculos de directivos de NGB teríase recoñecido que a adquisicón desta entidade financeira por outro banco sería a única saída posíbel, e máis despois de que a aposta por aumentar o capital de NGB con achegas privadas non dese os resultados previstos.

Cómpre lembrar que desde sindicatos como a CIG se ten exidido tanto a entidade como a goberno galego transparencia e información sobre o futuro deste grupo, alén de defender que se manteñan os 6.000 empregos.

A INFORMACIÓN GALEGA ESTÁ NA TÚA MAN!

Subscríbete ao noso boletín de novas.

Date de alta de balde e recibirás unha selección dos nosos artigos para saberes o que acontece.

comentarios