A Audiencia Nacional vén de admitir a trámite a querela presentada pola Fiscalía Anticorrupción contra cinco exdirectivos de Novacaixa galicia (NCG) polas cantidades adxudicadas en concepto de prexubilacións. O xuiz titular Ismael Moreno considera que os feitos aos que se refire a querela poden ser constitutivos de delito, polo que admite esta a trámite e inicia as dilixencias de investigación correspondentes.
Xa que logo, a Audiencia Nacional asume así a competencia para investigar a 4 exdirectivos de Novacaixagalicia (José Luis Pego, Gregorio Gorriarán, Óscar Rodríguez e Javier García de Paredes) e contra un dos seus copresidentes, Julio Fernández Gayoso, por presuntos delitos de administración deseal ou, alternativamente, dun delito de apropiación indebida.
Por outro lado, Moreno remite ao Ministerio Fiscal outra querela presentada por un particular contra Gayoso e Pego, ambos procedentes de Caixanova, e contra el que fora director de Caixa Galicia durante 30 anos, José Luis Méndez López,e os seus fillos, tamén exdirectivosda entidade financeira, José Luis e Yago Méndez Pascual, por presuntos delitos societarios, apropiación indebida e administración desleal e fraudulenta.
