Despois de dous meses sen sumar os tres puntos fóra de casa o Celta de Vigo ten a obriga de gañar hoxe ante o Sabadell e na terza feira contra o Cartaxena, este último con só sete minutos en xogo. Son seis puntos que facilitarían ao equipo vigués chegar ao segundo posto e conseguir o ascenso directo. Os xogadores de Paco Herrera están mentalizados da importancia destes encontros mais saben que non vai ser un camiño doado. No partido desta tarde ás 18 horas (retransmitido pola TVG-2) terán que superar o equipo de Lluis Carreras, un treinador moi coñecido pola súa estratexia de xogo ao estilo Cruyff. que non poderá estar nesta ocasión xunto aos seus xogadores por sanción.
