A hípica galega de base en saltos concéntrase este sábado en Ponte Caldelas

Ahípica galega está a medrar pola base. Desde 2009 case duplica as licencias federativas e hoxe están perto das 6.000, cunha importante presenza de rapazas (73%) sobre todo nas categorías benxamín e alevín. Unha das razóns desta expansión ten a súa explicación por contar na competición oficial cunha maioría de equipos mixtos e a posibilidade de disputar eventos deportivos a nivel estatal en campionatos inclusivos. Comeza a tempada de raid na Galiza A principal cita anual que potencia e promociona esta disciplina, na súa vertente máis coñecida, é a Liga de Saltos Xogade. Nesta terceira edición, que comezou en xaneiro, pasou polo club hípico Cemar, de Mondariz Balneario (O Condado), a Escola de Equitación A Muralla en Redondela (comarca de Vigo), o Club Hípico Equigalia en Tui (Baixo Miño) e o Club Hípico JC de Mos (comarca de Vigo). Este sábado continuará no Club Centro Ecuestre Atlántico en Santana, Ponte Caldelas (comarca de Pontevedra), para rematar en novembro no Club Hípico Alazán en San Cosme (Vigo). Clasificación A nivel deportivo, cando faltan de dúas xornadas, os primeiros postos en ponis A son para Gustavo Freiría e Antía Rodríguez; en ponis B están Gonzalo Criado e Hugo Cano; e en ponis C Santiago Reverendo e Oliva Gómez. Nos saltos, por altura, lideran a competición en 0,30 metros Sofía García e Celia Rodríguez; en 0,50 metros son Ignacio Alonso e Iana Svetomirova; en 0,80 metros sería Caludio Pérez e Ainoa Carreira; en 1 metros Héctor Vidal e Carmen Pérez; e en 1,10 metros lideran Noa Cambra e Helena García. Promoción e competición “Na competición participan deportistas desde os seis anos até os trinta”, explica a Nós Diario o vicepresidente da Federación Hípica Galega (FHG) e responsábel da organización da liga, Gonzálo Autrán. Os anos anteriores á pandemia tiñan lugar outros torneos máis pequenos, de carácter social, dunha categoría social e coa participación de tres clubs. “Con esta iniciativa pasamos de contar con 60 saltadoras e saltadores a superar a cifra de 220”, recoñece este directivo, “o problema vén agora co aumento de compromisos e a dificultade para concretar datas”, engade. Pasou esta mesma edición coa suspensión da xornada de Ponte Caldelas en setembro que agora se recupera. A hípica medra en participantes na Galiza malia a paréntese da pandemia As probas desta liga van desde unha xincana con ponis para as idades máis temperás até as probas nacionais con obstáculos de até 1,10 metros para as máis maiores. “No primeiro caso empregan cabalos de escola, unha maneira de promocionar este deporte”, asegura. Plans de futuro “Despois de Madrid, Barcelona e Andalucía, somos quen máis licenzas temos, algo que é un honor”, considera Autrán. Para medrar o paso seguinte, segundo a federación, sería potenciar que participen nas competicións galegas “deportistas de fóra e que teñamos a posibilidade de incrementar as experiencias con amazonas e xinetes que acostuman a competir a nivel estatal”. Este sería o paso previo a poder aumentar o número de viaxes de deportistas da Galiza ao exterior. “Hai que ter en conta que os custos económicos para os clubs, por agora, non permiten que se fagan cargo dos traslados de animais e das persoas que os montan polo que sería máis doado comezar por incrementar a presenza foránea aquí”, conclúe. Malia o gasto nos desprazamentos, o vicepresidente da federación defende que non é un deporte caro como podería parecer. “É igual que calquera deporte que se practique a nivel escolar, normalmente en sábados ou domingos”, explica, “co engadido de que nel non só adestran cos animais unha hora por semana, ademais coidan deles varias horas máis”, engade. Ortega reorganiza os seus activos coa absorción da empresa dona do complexo de Casas Novas Os saltos seguen a ser a modalidade que máis visibilidade ten na hípica e na que hai máis participación. Reúnen un 80% de todas as licenzas federativas polo que tamén é a que realizan unha gran parte dos clubs do país. “É curiosa esta situación pois, se é por éxitos, contamos con máis medallas noutras que teñen menos aceptación”, subliña Autrán. Outra particularidade que sumou practicantes foi a incorporación recente de ponis nas categorías máis pequenas e a chegada dos éxitos deportivos. “Gañamos varias medallas de ouro en Campionatos de España e somos quen máis participantes levamos nesas idades”, admite este directivo. Nos últimos anos a cría de cabalos na Galiza incrementou os éxitos con animais novos, unha realidade que para a federación é “o futuro” da hípica galega. Nestes caso, Autrán asalienta o traballo de Javier González Fraga, recentemente gañador do Campionato de España de equinos estatais, e o seu Centro Ecuestre Marco das Pías en Sobrado dos Monxes. Con cabalos novos están a chegar tamén as recompensas. "Nós últimos anos, sen chegar aos primieros postos, si podemos falar de moi bos resultados con deportistas como Roi Calviño", apunta o vicepresidente da federación. Á lista, seguramente, sumaranse no futuro algúns nomes que compitan este sábado.