O Campionato Galego Cadete-Sénior Libre e Solo Dance en categoría Nacional, deixou grandes momentos.
Organizado polo Club Patinaxe Ribeira no pavillón de Sirves, deparou o triunfo de Enya Rodríguez e da tomiñesa Anahí Álvarez, que ocuparon a primeira e a segunda posición, respectivamente, na categoría de Free Skating Ladies Júnior.
Ademais dos éxitos destas dúas deportistas -que competirán o vindeiro día 13 de decembro no Campionato de España-, tamén brillaron Amina Fernández e Xosé Andrés Cruz, campioas feminina e masculino na categoría Júnior.
Por outra banda, en Solo Dance María Bilbao e Iria Cano fixéronse cos dous primeiros postos na categoría Sénior, mentres que na Júnior a vitoria recaeu, de novo, en Enya Rodríguez.
