Fin de semana crucial para os equipos galegos que navegan pola segunda división coa vista posta en ascender á cateogoría de ouro do fútbol do Estado. O Deportivo precisa garantir contra o Valladolid o seu primeiro posto tras a derrota co Almería (0-2) e tendo en conta que tras recibir aos vallisoletanos debe xogar co Numancia, un combinado nada doado. E o Celta visitará o sábado o Sabadell mirando de esgullo o que os herculinos fan contra o Valladolid.
Deportivo e Valladolid manteñen unha vella rivalidade desde hai anos (en Riazor non esquecen aquela salvaxada do despois madridista Fernando Hierro sobre Fran, “O Neno”). Se a iso se engade a necesidade dos herculinos de amarraren tres puntos para asegurar continuar na cabeza do ascenso directo, non é de estrañar que @s siareir@s celestes confíen, aínda que for por unha vez, que @s rivais do norte cumpran e beneficien, ben que indirectamente, ao Celta.
O Deportivos ten 75 puntos, o Valladolid 70 e o Celta, 65, aínda que os celestes teñen un partido menos que os dous anteriores.
