O Deportivo, o equipo que máis puntos suma a domicilio na Liga

O Deportivo de Antonio Hidalgo comezou a segunda volta da Liga Hypermotion cunha importante vitoria que fai borrar as malas sensacións das últimas xornadas. Eran xa cinco partidos sen coñecer a vitoria e sen poder sumar de tres, situación que comezaba a preocupar en Coruña, xa que vían os postos máis altos da clasificación cada vez máis lonxe, e a distancia cos equipos fóra de play-off totalmente recortada. O conxunto branquiazul conseguiu unha gran primeira volta do campionato malia esta última etapa. E engadindo o triunfo en Almería do pasado sábado (1-2), con seis vitorias a domicilio é o equipo máis produtivo lonxe da súa casa, aínda que o Racing de Santander ten unha vitoria menos e disputou dous encontros menos fóra da casa que o Deportivo. O Racing ten a opción de igualar esta estatística en Riazor esta fin de semana. Hai outros equipos tamén en cinco vitorias de visitante como o Burgos, o Sporting de Xixón e a Cultural Leonesa, e todos con menos partidos xogados que o conxunto coruñés. O Deportivo volve en Almería á senda da vitoria, afiánzase na promoción e mete presión aos rivais dos postos de ascenso directo Comezo de tempada Os de Hidalgo lograron un comezo de tempada espectacular que ilusionou todo o deportivismo e que mantiña vixente as expectativas do ascenso, deixando atrás unha tempada marcada pola loita por non descender. No seu arranque de liga logrou permanecer oito xornadas invicto, e logrou 15 puntos dos 24 posíbeis, catro vitorias e os mesmos empates, logrando así manterse líder tras a primeira fase da tempada e conseguindo un amplo marxe cos equipos fora do play-off. Unha dinámica que consagrou a figura de Yeremay tras anunciar a súa renovación, pese o interese doutros equipos. Antonio Hidalgo: "En Almería o Dépor ten que sumar de tres" Estabilización do equipo Tras o gran momento de forma do conxunto branquiazul comezou unha fase da liga con maior regularidade sen ningunha tendencia nin positiva nin negativa. Nisto influíu o calendario que puxo xuntos encontros contra rivais directos como o Racing e o Málaga, por exemplo. Mala fortuna a do Depor que tamén sufriu un par de lesións importantes e que debilitou o estado global do equipo coruñés. Esta etapa é máis produtiva en vitorias, pero tamén perdeu partidos, o que baixou o total dos puntos logrando 16 de 24 posíbeis, cinco vitorias, un empate e dous derrotas. Pese a non ser tan constante o equipo coruñés logrou permanecer líder da liga tras 16 xornadas, aínda que empatado a puntos (32) co Racing de Santander. Nesta fase da tempada tamén comezou o soño copeiro, os de Hidalgo enfrontáronse a Sámano e Sabadell, dous vitorias contundentes que meteron o equipo branquiazul entre os mellores 32 equipos da competición do KO e permitíronlle soñar en grande antes da eliminatoria fronte ao Mallorca de Arrasate. A partir da xornada 16 o equipo caeu en liga con tres derrotas seguidas e dous empates, grazas a esta última vitoria fronte ao Almería, o equipo logra manterse a tan só catro puntos do Racing, o cal visitará Riazor esta fin de semana. Na Copa do Rei o equipo logrou eliminar un combinado moi ben armado como foi o Mallorca e meterse nos oitavos de final onde agardaba o Atlético de Madrid de Simeone. Os de Hidalgo non lograron vencer, pero deron unha grande imaxe que, parece, serviu para volver a senda da vitoria en liga. Rematou unha primeira volta marcada por grandes xogadores como Yeremay, Zakaria ou Mario Soriano entre outros; un soño copeiro chegando a pelexar man a man a clasificación a cuartos de final co equipo de Simeone; e unhas estatísticas globais que colocan o Deportivo entre os candidatos ao ascens0 directo. Na tempada pasada o Levante, o Elche e o Oviedo, os equipos ascendidos, levaban a estas alturas de campionato entre 36 e 39 puntos, o Deportivo ten 37, polo tanto números de Primeira. O Deportivo xoga unha 'final' na loita polo ascenso en Almería