Ruxe Ruxe inxecta melodía ao punk no seu novo clip
13 de xuño de 2019 (18:20 h.)
20'' titúlase o último disco longo de Ruxe Ruxe, que data xa de 2016. Tres anos despois, a banda compostelá, punk rock cadora máis infectado de meolodía, publica novo videoclip, Alfaia punk.
Cun aire aos clásicos do 77 e outro a evolucións do xénero como a facturada polos últimos Social Distortion, Ruxe Ruxe entrega nova canción con dous novos membros a bordo: Xulia ao baixo e Barbas na guitarra. “Achegan á banda o son renovado que atopamos neste novo sinxelo”.
Alfaia punk aparece ademais acompañada dun videoclip de animación baseado nunha idea orixinal de Ramón Díaz realizada por Diego Pérez.