Darwish, que comparte apelido co máis grande dos poetas palestinos contemporáneos -Mahmud-, vive na actualidade en Londres e é xornalista de profesión. “É un dos poetas máis destacados da súa xeración no mundo árabe”, expoñen desde a organización de Poetas Di(n)versos, que dirixe a poeta Yolanda Castaño.
A obra atópase traducida a 20 linguas e nela hai títulos como Nada máis ca perder (2014), Durmindo en Gaza (2016) ou Non es poeta en Granada (2018).
Canda o escritor palestino lerá poemas Antón Blanco, un dos poetas de maior repercusión das últimas camadas. Autor de A Oseira (Chan da Pólvora, 2016) e máis do recente Tres estudos para un poema da cidade (Galaxia, 2018), a súa escrita non é allea á preocupación política de signo emancipador.
“Mozos e comprometidos, rigorosos e conmovedores”, cualifícanos desde Poetas Di(n)versos, "o ciclo de poesía da Concellaría de Culturas". O recital será a segunda feira, 28 de maio, ás oito e media de serán, no Auditorio do Centro Ágora da Coruña. A entra é de balde. A maiores, “unha libraría de proximidade” venderá libros dos autores participantes. Que, naturalmente, se prestarán a asinalos.
Nota: o poeta Antón Blanco.