Maruxa Mallo é recoñecida como vítima da Guerra e do franquismo

O Goberno estatal rendeu esta sexta feira homenaxe e declarou oficialmente vítima da Guerra Civil e da ditadura franquista á pintora galega Maruxa Mallo, xunto con outros artistas como Federico García Lorca, María Moliner ou Luis Buñuel. 

O presidente do Goberno español, Pedro Sánchez, e o ministro de Memoria Democrática, Ángel Víctor Torres, entregaron esta sexta feira o diploma de recoñecemento a súa familia, nun acto polo día do recordo e homenaxe ás vítimas do golpe militar, en Madrid.

Ana María González, coñecida como Maruxa Mallo, pintora galega do Surrealismo, é vinculada á Xeración do 27 e ao movemento de vangarda no Estado español. Co estoupido da Guerra en 1936 e o avance do franquismo, viuse obrigada  a exiliarse en Arxentina, onde continuou desenvolvendo a súa obra, dando conferencias e deseñando escenografías teatrais. Cando puido volver ao seu país, en 1962, a plástica galega atopou un panorama dominado por unha cultura franquista que apenas lembraba o seu nome. Tendo que agardar anos até que Galiza reivindicou a súa figura.